Қазақстанда темекі өнімдерін таңбалау және бақылау бойынша пилоттық жоба басталды
2018 жылдың 1 қазанында темекі өнімдерін таңбалау және қадағалау бойынша пилоттық жоба (бұдан әрі - жоба) басталды, деп ҚР Қаржы министрлігі Мемлекеттік кірістер комитетінің баспасөз қызметі хабарлады.
Жаңа енгізілімнің мақсаты-тауардың өндірушіден және импорттаушыдан соңғы тұтынушыға дейін қаптамаға сандық сәйкестендіру кодын енгізу арқылы қадағалануын іске асыру.
Жобаны енгізу өндірушілерге жосықсыз бәсекелестіктен қорғауды, сондай-ақ тұтынушыларды контрафактілік өнімдерді сатып алудан қорғауды қамтамасыз етеді.
"Темекі өнімдерін таңбалау және қадағалау жөніндегі пилоттық жобаның кейбір мәселелері туралы" Қазақстан Республикасы Қаржы министрінің 2018 жылғы 28 қыркүйектегі № 862 бұйрығына сәйкес жобаны өткізу бойынша әдістемелік ұсынымдар және жобаны өткізу мерзімдері бекітілді, сондай - ақ "ХТТ АЖ-темекі өнімдерін таңбалау және бақылау ақпараттық жүйесі"ақпараттық жүйесі әзірленді.
Темекі өнімдерінің қаптамасын таңбалауға енгізілетін ақпарат құрамына GS1, Data Matrix және GS1-128 стандарттарына сәйкес генерацияланатын штрих код, GTIN сәйкестендіру кілті және GS1 жаһандық стандартын қолдану сәйкестендіргіштері кіреді.
Жобаға қатысушылар:
Қазақстан Республикасы Қаржы министрлігінің Мемлекеттік кірістер комитеті (бұдан әрі - ҚР ҚМ МКК) - темекі өнімдерінің таңбалануын және қадағалануын жүргізу жөніндегі уәкілетті орган;
Темекі бұйымдарының айналыс субъектілері - темекі бұйымдарын өндірушілер, көтерме сауда ұйымдары, бөлшек сауда ұйымдары, пилоттық жобаға өз еркімен қатысуға тілек білдірген импорттаушылар;
"Қазақтелеком" Акционерлік қоғамы - "МТТ АЖ - темекі өнімдерін таңбалау және бақылау ақпараттық жүйесі" әзірлеуші және әкімшісі.
Жобаны іске асыру мерзімі: өндірушілер үшін 2018 жылғы 1 қазаннан бастап 2019 жылғы 31 наурызға дейін; импорттаушылар үшін 2019 жылғы 10 ақпаннан бастап 2019 жылғы 30 сәуірге дейін.
Темекі өнімдерін таңбалау және қадағалау жөніндегі пилоттық жобаның кейбір мәселелері туралы